Falamos moito de patios estes días. E facémolo porque moitas veces os patios reflexan as desigualdades que se viven na vida real. A falacia de permitir o “xogo libre” perde sentido cando no patio do cole só hai dúas porterías. Iso non é dirixir o xogo? Non é unha reprodución da sociedade machista na que vivimos?
Co interese de ir mudando estas realidade e ir facendo as escolas espazos máis igualitarios, traballa o Globo, unha ferramenta da ONG Solidariedade Internacional para a promoción da cidadanía global a través de experiencias de transformación social centrándose no sistema educativo, pero tamén na entidades sociais, e outros colectivos.
A través desta iniciativa, a rapazada de distintos concellos galegos e entidades sociais desenvolven experiencias de transformación social abordando as violencias machistas para promover a igualdade e concienciar á súa contorna.
Como a protagonizada pola ANPA FARO do CEIP Víctor López Seoane (coa que falamos a semana pasada) levou a cabo cambios no patio da escola, sendo conscientes da importancia deste espazo: é onde se producen as primeiras
relacións sociais con iguais, fóra do ámbito familiar. Os espazos foron foron deseñados de novo e mellorados, estendendo o seu uso a outros xogos máis alá dos de pelota.
Accións contra a violencia machista
Alumnado do CPR Nebrija Torre de Hércules
Interesante tamén a acción do grupo de alumnas do CPR Nebrija Torre de Hércules, que desenvolveu ao longo do 2023 unha experiencia de transformación social arredor das violencias sexuais e o ocio nocturno, facendo incidencia política sobre esta problemática.
Novas relacionadas
Humanizar os patios das escolas para humanizar as persoas privadas de liberdade
ANPA Faro: “As administracións deberían facerse cargo da educación de 7.30 a 16.30h”
ANPA RASA: “Os centros públicos están privatizados case durante media xornada lectiva”
ANPA Avantar: “Non debería recaer nas ANPAS a responsabilidade do comedor”